الحياة مجموعة خيارات , ليه ما تختار حياتك ...؟!

http://www.youtube.com/watch?v=7Tpz3TWNEOk&NR=1

شفتوه ..!!

بقولكم قصتي ,
أنا نوره , ماكنت أصلي
هالحكي كان في المتوسطه تقريباً
كانوا أهلي يلاحقوني صلي .. صلي ..
مابقى شيء ماخوفوني فيه النار , القبر ..
وأنا ولا كأني هنا ..!!
وعلشان أفتك من حنتهم و كلامهم كنت امثل عليهم إني أصلي ..!!
يعني تخيلوا التفاهه
أضيع تقريبا 5 إلى 10 دقايق وانا اسوي حركات الصلاة بس ما اصلي ..!!
أهلي مشت عليهم السالفه و أنبسطوا إن نوره صارت تصلي ..
بس أختي الكبيره لاحظت إني أكذب ..!!
جتني ومازلت اتذكر كلامها إلى الحين , قالت :
"الصلاة لمين ..؟ لربي ولا للناس ..؟ إذا أنتِ تصلين لأهلي كملي صلاتك
وماراح يدرون أنتِ تصلين ولا تمثلين .. بس إذا تصلين لربي , ترا ربي يعرف كل شيء ..!! "
وتركتني ..!!
رحت لها بعدين وقلت لها أني أبي أصلي بس ما اقدر اتكيسل
عن الصلاة وكل ماجيت أصلي أقول بعدين لاحقه توني صغيره ..!!
قالت لي شيء [ غير حياتي ]
قالت لي : جربي صلي 40 يوم وبعدها نتفاهم ..!!
أعجبني الفكره أصلي 40 يوم..!!
صليت , لما جاء اليوم 41 كملت صلاة من نفسي ..!!
من يومها الحمد لله أحافظ على صلاتي ..
أختي جزاها الله عني كل الخير كانت سبب فيتغيير حياتي ..!!

تعرفون أحد مايصلي ..؟!!
تقدرون تغيرون حياته ,
تقدرون تخلونه يدعي لكم كلما تذكر الخير الي ساعدتوه عليه
مثل ما أنا أدعي لأختي ..!!

الصلاة خير نحرم أنفسنا منه
الحياة مجموعة خيارات تقدر تختار انك تصلي , وتقدر ماتصلي ..!!
تقدر تختار تحط المنبه على وقت صلاة الفجر وتصليها في وقتها , وتقدر تأخرها لين تطلع الشمس
وتذكر أن تأخير الصلاة عن وقتها يدخلك ظمن من قال الله سبحانه وتعالى عنهم : ( فَوَيْلٌ لِلْمُصَلِّينَ * الَّذِينَ هُمْ عَنْ صَلاتِهِمْ سَاهُونَ ) ,
تقدر تختار ..؟!

أكيد أنتم مؤمنين بأنه الرسول صلى الله عليه وسلم [ لا ينطق عن الهوى ] ..
و أن كل ما يأمرنا // يخبرنا به ماهو إلا [ وحي يوحى ] ..صح ..؟!
طيب عارفين الرسول صلى الله عليه وسلم وش قال :
عَنْ صَخْرٍ الْغَامِدِيِّ رَضِيَ الله عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:
"اللَّهُمَّ بَارِكْ لِأُمَّتِي فِي بُكُورِهَا".

مين منكم جرب يصلي الفجر في وقتها و يجلس صاحي بعدها ..؟!
الي جرب هالشيء بيعرف معنى التفاؤل و الراحه و السعاده و الإطمئنان ..
طيب ممكن هالشيء صعب في الصيف وخاصه انه الفجر يأذن بدري
بس عموما الي يصحى بدري حتى لو ينام شوي بعد الصلاة بس لما تصحى بدري وتعود
نفسك على هالشيء " أوعدك راح تتغير حياتك بإذن الله " ..!!
يكفيك بس أنه الرسول عليه الصلاة و السلام دعى للي يصحى ويطلب رزقه بدري بالبركه
مايعطيك هالشيء ثقه أكبر و سعاده ورضا ..

الحياة أختيارات , خليك ذكي بإختياراتك

محبتكم

نوره المزروع